ماهي أهم أساب سلوك السرقة عند الأطفال؟ سنتعرف في هذا المقال على تلك الأسباب وسنتطرق للحلول التي بدورها تساعد على منع هذا السلوك عند الأطفال.
هنتكلم عن السبب الأول فيهم والأهم..
أسباب أسرية
الأسرة بتكون السبب الرئيسي فى ظهور السلوك عند الطفل واستمراره عليه، ومن الأسباب دى:
١) شعور الطفل بعدم الأمان والإستقرار، ودا ناتج عن انفصال الأبوين أو بينهم دايماً خلافات مستمرة بتحصل قدامه.
٢) الحرمان المادي للطفل وعدم تلبية الأسرة لاحتياجاته، من أكل ولبس وألعاب بيخليه يسرق علشان يعوض الحرمان ده.
٣) الحرمان النفسي للطفل، ودا مهم جداً زى افتقاده للعطف والحنان والأحضان والحب، واللى بينتج عنه إحباط شديد فبيتولد عنده سلوك السرقة.
٤) عدم تعويد الطفل على التفرقة بين ممتلكاته الخاصة، وممتلكات الآخرين العامة وآداب الإستئذان.
٥) عدم غرز الأمانة فى الطفل واللي بيخليه مش عارف اللي بيعمله دا صح ولا غلط.
٦) العقاب المستمر للطفل، واستخدام الوالدين للقسوة في التعامل معاه، واللي بيساعد على خلق شخصية عدائية للطفل ينتج عنها سلوك السرقة.
٧) كمان الإفراط في التدليل وإن كل حاجة هو عايزها مجابة، بيخليه دايماً بيستقل اللي معاه وشايف الأحسن فى إيد الناس ويفتقر للقناعة.
بعد ما اتكلمنا عن السبب الرئيسي الأول لمشكلة السرقة عند الأطفال، هانتكلم عن الأسباب الفرعية.
أسباب خاصة بالطفل
١) نقص مستوى ذكاء الطفل بيخليه أكثر عرضة لسلوك السرقة.
٢) التوتر الداخلي للطفل زي الإكتئاب، الغيرة، الغضب، بيخلية يقبل على السلوك دا بسهولة.
٣) شعور الطفل بالنقص وبأنه أقل من زملائه فيلجأ للسرقة لتعويض النقص دة.
٤) حب المغامرة والإكتشاف المتشكل في القيام بالسرقة أحياناً.
٥) لفت الإنتباه! لشعوره بالغيرة من اخواته مثلاً أو إهمال الأهل له وإظهار اهتمامهم فقط لما يقوم بالسلوك الخاطئ.
٦) افتقاره للثقة بنفسة ومحاولة تعويضها بأخذ الأشياء من المحيطين بيه.
أسباب أخرى
ودى اللي خاصة بالبيئة والمحيطين بيه بشكل عام، زي مثلاً:
١) مشاهدة الطفل للأفلام اللي بتبين إن السارق شخص شجاع وذكي ومحبوب، فيحاول الطفل تقليد البطل ويعزز سلوك السرقة عنده.
٢) القدوة غير الحسنة للطفل، بأن يشاهد أحد أقاربة يمارس السلوك الخاطىء دا.
إلى هنا ننتهي من هذا الموضوع الشيق الذى يحتوي على كثير من المعلومات المهمة لحياتنا اليومية، ولكي تعرف طرق علاج السرقه عند الأطفال قوموا بمتابعتنا علي موقع ( توينز للمعلومات ) لتلقي المزيد من المقالات الهامة والممتعة في شتى المجالات دمتم بخير.